資格外活動許可 သည် ဂျပန်နိုင်ငံ၌ သင့်၏ ဗီဇာအပေါ် သတ်မှတ်ထားသော ဦးတည်ချက်အပြင် တခြားအလုပ်များ (ဥပမာ – Part-Time အလုပ်) လုပ်ရန်လိုအပ်သော ခွင့်ပြုချက်ပါ။ ဤခွင့်ပြုချက်မရှိဘဲ အလုပ်လုပ်ပါက ဗီဇာစည်းကမ်းချိုးဖောက်မှုအဖြစ် ကန့်သတ်ချက်များ၊ ဗီဇာပယ်ဖျက်ခြင်းနှင့် နိုင်ငံပြန်ပို့ခြင်းစသည့် ပြဿနာများ ဖြစ်ပေါ်နိုင်ပါတယ်။
1. 留学生 (ကျောင်းသား) အတွက် 資格外活動許可
ကျောင်းသားအနေဖြင့် ဂျပန်တွင် ပညာသင်ယူနေစဉ်တွင် Part-Time အလုပ်လုပ်ချင်ပါက 資格外活動許可 လိုအပ်သည်။
(1) လျှောက်ထားရန်အကြောင်းအရာများ:
- လေဆိပ် တွင် မိမိဂျပန်သို့ ပထမဆုံးဝင်ရောက်လာသောအခါ Disembarkation Card တွင် 資格外活動許可申請 (✓) လုပ်နိုင်ပါသည်။
- လဝကရုံး (Immigration Office) တွင်လည်း လျှောက်လွှာတင်နိုင်ပါသည်။
- လိုအပ်သောစာရွက်စာတမ်းများ:
- 在留カード (နေထိုင်ခွင့်ကဒ်)
- ပတ်စ်ပို့
- လျှောက်လွှာဖောင်
(2) အချိန်ကန့်သတ်ချက်များ:
- တစ်ပတ်လျှင် ၂၈ နာရီအထိ Part-Time အလုပ်လုပ်ခွင့် ရသည်။
- ကျောင်းပိတ်ရက်များတွင် တစ်ရက်လျှင် ၈ နာရီအထိ အလုပ်လုပ်နိုင်သည်။
(3) တားမြစ်ထားသောအလုပ်များ:
- ဘား၊ ကာရာအိုကေ၊ နိုက်ကလပ်၊ လိင်ပိုင်းဆိုင်ရာလုပ်ငန်းများ။
2. 家族滞在 (မိသားစုမှီခို) အတွက် 資格外活動許可
家族滞在ビザ ကိုင်ဆောင်သူများအနေနဲ့ အလုပ်လုပ်ခွင့်ရဖို့ 資格外活動許可 လိုအပ်ပါသည်။
(1) လျှောက်ထားရန်:
- ကျောင်းသားများအတိုင်း လေဆိပ်နှင့် လဝကရုံးတွင်လျှောက်ထားနိုင်ပါသည်။
(2) အလုပ်လုပ်ခွင့်များ:
- တစ်ပတ်လျှင် ၂၈ နာရီအထိ Part-Time အလုပ်လုပ်ခွင့် ရပါသည်။
(3) သတိထားရမည့်အချက်များ:
- တားမြစ်ထားသော အလုပ်အမျိုးအစားများကို လုပ်ရမည်မဟုတ်ပါ။
3. 就労ビザ (အလုပ်သမားဗီဇာ) အတွက် 資格外活動許可
就労ビザ ကိုင်ဆောင်သူများအနေနဲ့ အဓိကအလုပ်အပြင်အခြားအလုပ်副業 (Fukugyou) လုပ်ချင်ပါက 資格外活動許可 လိုအပ်နိုင်ပါသည်။
(1) လျှောက်ထားရန်:
- လဝကရုံးတွင် လျှောက်ထားရမည်။
- လိုအပ်သောစာရွက်စာတမ်းများ:
- 在留カード (နေထိုင်ခွင့်ကဒ်)
- ပတ်စ်ပို့
- လျှောက်လွှာဖောင်
(2) အဓိကအလုပ်ရှင်၏ ခွင့်ပြုချက်:
- အဓိကအလုပ်ရှင်က 副業 (ပြင်ပအလုပ်) လုပ်ခွင့်ကို ခွင့်ပြုရမည်။
(3) 資格外活動許可 ရရန် အလုပ်မျိုးအလိုက်:
- တူညီသောလုပ်ငန်းများ – ဥပမာ IT Engineer အလုပ်နှင့် Web Developer အလုပ်များတွင် 資格外活動許可 မလိုအပ်ပါ။
- မတူညီသောလုပ်ငန်းများ – ဥပမာ IT Engineer အလုပ်နှင့် Japanese Language ဆရာအဖြစ် အလုပ်လုပ်ချင်ပါက 資格外活動許可 လိုအပ်ပါသည်။
သတိပြုရန်
資格外活動許可 မရှိဘဲ အလုပ်လုပ်ပါက ဗီဇာစည်းကမ်းချိုးဖောက်မှုအဖြစ် စစ်ဆေးမှုများကို ခံရနိုင်ပြီး ဗီဇာပယ်ဖျက်ခြင်းနှင့် နိုင်ငံပြန်ပို့ခြင်းခံရနိုင်ပါသည်။