ဂျပန်မှာအိမ်ငှားတဲ့အခါသတိထားရမည့်အချက်များ

အိမ်ရှာနေရင်း အိမ်အကြောင်းရေးထားတဲ့စာရွက်မှာ (告知事項あり)ဆိုပြီးရေးထားတာတွေ့ဖူးကြလား

“告知事項あり” ဆိုတာ အိမ်ငှားသူတွေ မဖြစ်မနေသိထားဖို့ အရေးကြီးတဲ့ “瑕疵 (かし)” (ချို့ယွင်းချက်) ရှိတယ်လို့ ဆိုလိုတဲ့ အိမ်မျိုးပါ

အဲ့လိုအိမ်အမျိုးအစားက (4) မျိုးရှိပါတယ်

နံပါတ်(၁)အနေနဲ့ကတော့ 心理的瑕疵 (しんりてきかし) အိမ်ပါ

ဒီလိုအိမ်တွေကတော့ မတော်တဆမှု၊ မိမိကိုယ်ကိုသတ်သေမှု၊ လူသတ်မှု အစရှိတဲ့ လူသေမှုဖြစ်ဖူးထားတဲ့အိမ်မျိုးပါ

ဒီအိမ်တွေကို ငှားတော့မယ်ဆိုရင်တော့ ဂျပန်ရောက်မြန်မာတို့ အကြောက်ဆုံးဖြစ်တဲ့ သရဲရှိနိုင်ချေက %များနိုင်တဲ့အတွက် သတိထားသင့်ပါတယ်

နံပါတ် (2)အနေနဲ့ကတော့ 物理的瑕疵 (ぶつりてきかし) အိမ်မျိုးပါ

ဒီလိုအိမ်တွေကတော့ အဆောက်အအုံ မှာ

– မိုးယိုတာ

– ပိုးကောင်/ပိုးဟပ်တွေရှိတာ

– မီးလောင်ပြီး အဆောက်အအုံ ပျက်စီးချို့ယွင်းနေတာ အစရှိတဲ့ အားနည်းချက်/ ပြဿနာရှိနေတဲ့ အိမ်မျိုးဖြစ်နေနိုင်လို့ ဒီအချက်ကိုလည်း သတိထားရပါမယ်

နံပါတ်(3)အနေနဲ့ကတော့ 環境的瑕疵 (かんきょうてきかし) လို့ခေါ်တဲ့ အိမ်မျိုးပါ

ဒီအိမ်တွေကတော့

– အမှိုက်စွန့်ပစ်တဲ့နေရာ (သို့) မိလ္လာလိုင်း အနီးမှာတည်ရှိနေတာကြောင့် အနံ့ဆိုးတွေရှိတာ

-အသံဆူညံတာဟ

– လူမိုက်/လူဆိုးဂိုဏ်းတွေနေထိုင်ရာ အနီးမှာ ရှိပြီး လုံခြုံရေး စိုးရိမ်ရတာ

– အရမ်းမြင့်တဲ့ အဆောက်အအုံတွေ ဝန်းရံထားလို့ နေအလင်းရောင်မရတာ၊ လေအဝင်/အထွက်မရှိတာ အစရှိတဲ့ အိမ်ပတ်ဝန်းကျင်မှာ ပြဿနာရှိတာမျိုးတွေကို ဆိုလိုပါတယ်

နောက်ဆုံးနံပါတ် (4) အချက် အနေနဲ့ကတော့. 法的瑕疵 (ほうてきかし) လို့ခေါ်တဲ့ အိမ်ပါ

ဒီလိုအိမ်တွေမှာဆိုရင်တော့ ဥပဒေပိုင်းဆိုင်ရာ ပြဿနာတွေရှိနေတာဖြစ်ပြီး

– 建築基準法 (ဆောက်လုပ်ရေး အခြေခံဥပဒေ) ကို ချိုးဖောက်တဲ့ အိမ်

– ဆောက်လုပ်ရေးစံနှုန်းကိုချိုးဖောက်ထားတဲ့အိမ်

-အိမ်က လမ်းနဲ့မလွတ်လို့ ပြန်ပြင်ရမှာ ပြန်ဖျက်ဆောက်ရမှာတွေရှိနေတဲ့အိမ် အမျိုးအစားတွေဆိုရင်လည်း အထူးကိုသတိထားသင့်ပါတယ်နော်

ဒီလိုအိမ်တွေဟာ ရှင်းစလည်းအောင်ဖို့ မခက်သလို ပုံမှန်ထက် အခန်းသန့်ပြီးစျေးသက်သာတာမျိုးတွေမျိုးတွေဖြစ်တက်ပါတယ်